Боку БРИКСга қўшилиш ниятида. Бу ҳақда республиканинг Москвадаги элчиси Пўлат Булбул ўғлига таяниб, «ТАСС» хабар берди.
«Озарбайжон ростдан ҳам шу каби ниятини билдирди. Бу ҳақда россиялик ҳамкасбларимиз билан гаплашдик», — дейди дипломат. У БРИКСга қўшилиш муддатига аниқлик киритмаган.
Халқаро гуруҳнинг навбатдаги саммити 22-24 октябрь кунлари Қозонда бўлиб ўтади.
БРИКС — иқтисодий ҳамкорлик ташкилоти бўлиб, бугун ташкилотда тўққизта давлат бор.
