Оқ уй: "Трамп зарурат туғилганда Эронда ҳарбий куч қўллашни истисно қилмайди"

АҚШ президенти Дональд Трамп зарурат туғилганда ҳарбий чоралардан, жумладан, Эронда ҳам фойдаланишдан қўрқмайди.

Бу ҳақда Оқ уй матбуот котиби Кэролин Левитт журналистларга маълум қилди.

«Менимча, президент Трамп бир нарсадан яхши: у ҳар доим барча имкониятларни тайёрлаб туради, ва авиаҳужумлар — кўриб чиқилаётган кўплаб вариантлардан бири», — деди Левитт.

Шу билан бирга, у таъкидлаганича, «дипломатия Трамп учун доим биринчи ўринда туриши керак».

Левитт қўшимча қилиб шунга эътибор қаратдики, оммага расмий Теҳрон томонидан берилаётган маълумот Вашингтон маъмуриятининг шахсий каналлари орқали оладиган маълумотидан кескин фарқ қилади.

«Президент зарурат туғилганда ҳарбий чоралардан фойдаланишдан қўрқмайди, ва буни Эрондан бошқа ҳеч ким яхши билмайди», — деди Оқ уй вакили.

Шу билан бирга, АҚШнинг Исроилдаги элчиси Майк Хакаби Sky Newsга маълум қилдики, икки давлат ҳозирда Эронга қарши ҳужум режаларини қўллаб-қувватламайди: «Менимча, ҳозир АҚШ ёки Исроил Эрон ишларига аралашиш режаларини тузмаяпти. Нима бўлишини билмайман», — деди Хакаби.