АҚШ президенти шифокори Шон Барабелланинг маълум қилишича, Трамп йиллик тиббий кўрикдан ўтган ва унинг натижалари 78 ёшли президентнинг умумий соғлиғи яхши эканини кўрсатмоқда.
Шифокорнинг сўзларига кўра, юрак-қон томир, нафас олиш, неврологик ва бошқа муҳим тана тизимлари кўрсаткичлари меъёрида. Когнитив функциялар, жумладан хотира ва реакция даражаси ёшга мос ҳолда, жиддий бузилишлар аниқланмаган.
Алоҳида эътибор руҳий-эмоционал ҳолатга қаратилиб, махсус тестлар натижаларига кўра, президентда хавотир ва депрессия белгилари паст даражада эканлиги қайд этилган.
Тиббий хулосада президентга амалдаги кун тартибини ўзгартириш бўйича ҳеч қандай тавсия берилмаган. Шифокор Доналд Трамп “жисмонан ва руҳан яхши ҳолда” эканини тасдиқлаб, унинг кундалик фаолиятига таъсир кўрсатадиган касаллик белгилари йўқлигини алоҳида таъкидлаган.
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
Ван Дамм Путинга мурожаат қилди
