Оқ уй: АҚШ режасининг Украина бўйича аксарият бандлари келишилган

АҚШ режасининг Украина масаласини ҳал қилиш бўйича аксарият бандлари келишилган. Бу ҳақда Оқ уй матбуот котиби Керолайн Левитт маълум қилиб, энди сўз Москвада эканини таъкидлади.

"Охир-оқибат, аксарият бандлар келишиб олинди," - дея Левиттнинг сўзларини келтиради РИА Новости.

Унинг сўзларига кўра, мунозаралар давом этаётган фақат "бир-иккита" банд қолган. Режани шакллантиришда Вашингтон ҳам Россия, ҳам Украинанинг ҳиссасини ҳисобга олди.

Унинг қўшимча қилишича, Киев вакиллари формулировкалар устида ишлаган, энди таклифни Москвада келишиш керак.