Оқ уй АҚШ қуролли кучларига Венесуэла нефтининг камида яқин икки ойлик "карантин"ини таъминлашга эътибор қаратишни буюрди, деб ёзади Reuters манбага таяниб.
Исми ошкор этилмаган америкалик амалдорнинг сўзларига кўра, бу президент Дональд Трамп маъмурияти Каракасга тўғридан-тўғри ҳарбий босим ўтказишга эмас, балки иқтисодий босимга эътибор қаратишини англатади.
Reuters суҳбатдошининг қўшимча қилишича, амалга оширилган саъй-ҳаракатлар Николас Мадуро ҳукуматига улкан босим ўтказмоқда ва агар Венесуэла ён бермаса, январь ойи охиригача иқтисодий фалокатга дуч келиши мумкин.
Оқ уй вакили томонидан қўлланилган "карантин" атамаси 1962 йилги Кариб инқирози давридаги ибораларга ишора қилади, ўшанда Жон Кеннеди маъмурияти очиқчасига уруш эълон қилишдан қочишга ҳаракат қилган, дея аниқлик киритди Reuters.
Декабрь ойида АҚШ қирғоқ қўриқлаш хизмати Венесуэла нефти ортилган иккита танкерни тутиб олди ва учинчи кемани қўлга олишга тайёрланмоқда, дея таъкидлайди агентлик. Трамп маъмурияти Каракасни гиёҳванд моддалар савдоси ва нефть даромадларидан "ноқонуний режим"ни қўллаб-қувватлаш учун фойдаланганликда айбламоқда.
Россиянинг “таслим бўлиш” таклифи ҳақида маълум қилинди
Россия собиқ СССРнинг Европа қисмидаги ҳудудларини қайтадан эгаллашни истайди(ми)?
Биз Сурияга бир қарич ҳам ер бермаймиз
