Сунъий интеллект оламида кутилмаган бурилиш! Бир неча ой аввал видео генерация қилиш имконияти билан Голливуд титратган Sora лойиҳаси расман тўхтатилди. Бу қарор нафақат технология ихлосмандларини, балки йирик инвесторларни ҳам шок ҳолатига тушириб қўйди.
The Information нашрининг хабарига кўра, дунёга машҳур Disney компанияси ушбу янгиликдан сўнг OpenAI билан режалаштирилган 1 миллиард долларлик ҳамкорликдан чекинмоқда. Аслида, 2025 йилнинг охирида бошландиган лойиҳага кўра, Disney ўз қаҳрамонларини Sora орқали жонлантириши ва технологияни Disney+ хизматига олиб кириши керак эди. Энди эса бу улкан келишув тарихга айланиши мумкин.
OpenAI нима учун бундай қарорга келди? Маълумотларга кўра, компания ички номи Spud бўлган янги ва янада қудратли СИ (AI) модели устидаги ишларни якунлаган. Sora иловасини ёпиш орқали компания ўзининг асосий ҳисоблаш қувватларини (серверларини) айнан шу янги тизимга йўналтирган.
Компания ичида катта ўзгаришлар юз бермоқда. Бош директор Сэм Альтман хавфсизлик ва ҳимоя жамоаларини бошқаришдан чекинди. Энди у асосий эътиборини маблағ йиғиш, маълумотлар марказларини қуриш ва таъминот занжирларига қаратади. Хавфсизлик тизгини эса Марк Чен ва Грег Брокман қўлига ўтди.
Sora илова ва API сифатида ёпилаётган бўлса-да, OpenAI видео йўналишидан бутунлай воз кечгани йўқ. Компания энди эътиборни «дунё симуляцияси»га қаратади. Яъни, шунчаки видео яратиш эмас, балки реал дунё физикасини тушунадиган мураккаб тизимлар устида ишлаш давом этади.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
АҚШ Эроннинг нефтдан тахминан 14 миллиард доллар даромад олишига имкон берди
