Эрон яна бир бўғозни ёпиб қўйиш билан таҳдид қилди

Эрон ҳудудига қуруқликдан бостириб кириш ҳолатида Баб ал-Мандеб бўғози ҳам ёпилади.

Бу ҳақда Эрон оммавий ахборот воситалари ҳарбий манбага таяниб хабар беришди.

"Баб ал-Мандеб бўғози дунёнинг стратегик жиҳатдан муҳим бўғозларидан бири ҳисобланади ва Эрон унга жуда реал таҳдид солиш учун ҳам ирода, ҳам имкониятга эга. Шунинг учун, агар америкаликлар Ҳормуз бўғози муаммосини аҳмоқона ҳаракатлар билан ҳал қилмоқчи бўлсалар, муаммолари ва қийин аҳволига яна бир бўғоз қўшмасликка эҳтиёт бўлишлари керак", деди у.

Унинг сўзларига кўра, Эрон вазиятнинг кескинлашишига тўлиқ тайёр: "Агар душман шубҳа қилса ва ўз тажрибасидан сабоқ олмаса, у бизни яна синаб кўриши мумкин, худди (Эроннинг минтақасига қилинган ҳужумлар) ва бошқа ҳодисалар билан бўлгани каби."