Олтин қуймалари рекордни янгилади

Бугун олтин қуймалари нархи 2,5 фоизга ошиб, 1 гр учун 2 млн 173 минг сўмгача чиқди. 100 гр қуйма 217,3 млн сўмда сотилмоқда.

Натижада 29 январдаги энг юқори кўрсаткич янгиланди. Ўшанда олтиннинг глобал нархи ҳам тарихий рекорд ўрнатганди

Банкларда ҳам олтин қуймалари сони анча кам қолган (https://cbu.uz/oz/banknotes-coins/gold-bars/balance/). Ҳозирда Тошкент бўйлаб фақат “Халқ Банки”нинг Яккасарой филиалида олтин қуймаларини етарлича топиш мумкин.

Бир неча ҳафта аввал пойтахтдаги кўплаб банкларда олтин қуймаларини топиш мумкин эди.

Қуймалар деярли қолмаганини аҳолининг олтинга бўлган талаби қанчалик юқори бўлаётганини кўрсатади.

Жаҳонда олтин нархи ҳозирча рекордни янгилагани йўқ. Аксинча, кечадан бери нарх 5 400 доллар атрофидан 5 300 доллар атрофига тушди.

Бироқ, Эрондаги вазият кескинлашишда давом этса, нарх тез орада тарихий рекорд кўрсаткичларга чиқиши мумкин.