"Ҳудудгаз Андижон" газ таъминоти филиали комплаенс-назорати ҳамда тегишли ташкилотлар томонидан Хўжаобод туманида ўтказилган назорат тадбирларида қонунбузарлик ҳолати фош этилди.
Унга кўра, туманнинг Беш қовоқ маҳалласида жойлашган "Б.Б.Б." МЧЖга қарашли оҳак цехида табиий газдан ўғринча ишлатилган. Маълум бўлишича, цехнинг газ таъминотига оид лойиҳа-техник ҳужжати мавжуд бўлмаган.
Носоз ҳолатдаги газ ҳисоблагич орқали ишлаётган оҳак хумдонида 20 та ностандарт газ ёндиргич ўрнатилган ва газдан ноқонуний фойдаланилган.
“Ҳудудгазтаъминот” АЖ ахборот хизматининг хабар беришича, мазкур корхона туз ишлаб чиқариш учун табиий газдан фойдаланиш бўйича шартнома тузган, лекин уни оҳак ишлаб чиқариш учун ишлатган. Бундан ташқари, газ ҳисоблагичнинг носозлиги сабабли корхона газ тармоғидан узилган бўлса-да, бир марталик тамға бузилиб, ўзбошимчалик билан газдан фойдаланишни давом эттирган.
Текширув натижалари бўйича тегишли далолатнома расмийлаштирилиб, зарар миқдори ҳисоблаб чиқилди. Унга асосан жами 5 миллиард 358 миллион сўмлик ноқонуний газ истеъмоли аниқланди. Ҳолат бўйича ҳужжатлар ҳуқуқни муҳофаза қилувчи органларга юборилди.
Россия ва Украина келишувга эришди
Наврўзда Ўзбекистон аҳолиси неча кун дам олади?
Дунё аҳолиси энг кўп бўлган мамлакатлардан бири: Россиядан кўп аҳолиси бор, аммо майдони 115 марта кичик
