Февраль ойи бошида Шимолий Корея Россия томонида жанг қилиб, жиддий йўқотишларга учраган ҳарбий контингентини тўлдириш учун Курск вилоятига қўшимча кучлар жўнатди.
Корея Республикаси Миллий разведка хизматининг ушбу баёноти ҳақида Корея оммавий ахборот воситалари хабар бермоқда. Юборилган қўшимча кучларнинг сони аниқ кўрсатилмаган.
Бундан олдин, Жанубий Кореянинг JoongAng нашри аноним манбаларга асосланиб, январь-февраль ойларида Шимолий Кореянинг 3000 нафаргача ҳарбий хизматчиси Россияга жўнатилгани ҳақида маълумот берган эди.
"Бу йилнинг январь ва февраль ойларида тахминан 1000 дан 3000 гача шимолий кореялик аскар Россия кемалари ва ҳарбий самолётлари ёрдамида Курск вилоятидаги жанг майдонига олиб келинган," дея нашр ўз манбаларидан иқтибос келтиради.
Улардан бирининг айтишича, қўшимча кучлар таркибига октябрь ойида юборилган контингентда бўлмаган мотопиёда, муҳандис-сапёр ва электрон разведка бўлинмалари киради.
Россия ва Украина келишувга эришди
Наврўзда Ўзбекистон аҳолиси неча кун дам олади?
Дунё аҳолиси энг кўп бўлган мамлакатлардан бири: Россиядан кўп аҳолиси бор, аммо майдони 115 марта кичик
