Қўшма Штатлар президенти матбуот анжуманида Украина ва Володимир Зеленскийни қаттиқ танқид қилиб, уларни урушни бошлашда айблади, сайловлар ўтказилишини талаб қилди, бироқ Россиянинг босқин учун жавобгарлиги ҳақида ҳеч нарса демади. У, шунингдек, келишувга эришиш учун Путиндан ҳеч қандай махсус ён беришларни талаб қилмади.
"Трамп Қўшма штатлар ташқи сиёсатида сўнгги даврлардаги энг ҳайратланарли бурилишлардан бирини амалга оширмоқда. Бу 180 даражали бурилиш АҚШнинг дўстлар ва душманларини асосий муносабатларда ўз қарашларини қайта кўриб чиқишга мажбур қилади. Иккинчи жаҳон уруши тугаганидан бери АҚШ президентлари аввал Совет Иттифоқига, сўнгра унинг вориси ҳисобланувчи Россияга эҳтиёткорлик билан ёндашган. Трамп эса Россияни келажакдаги ҳамкорлик лойиҳаларида шерик сифатида кўришга ҳаракат қилмоқда", деб ёзади NYT.
Нашрга кўра, Трампнинг атрофидагилар бу бурилишни "кўп йиллик нотўғри сиёсатнинг зарурий тузатилиши" деб ҳисоблашади. Уларнинг фикрича, АҚШ ўз куч ва ресурсларини Европани ҳимоя қилишдан Хитойга қарши курашга йўналтириш керак.
Сув остида кўрилган энг улкан тирик мавжудот: У 34 метр узунликда ва Наполеон давридан бери яшаб келмоқда
Озод этилган исроиллик асирнинг сўзлари кўпчиликни ҳайратлантирди: "Сафингизда бўлишни истардим"
Америкаликлар Зеленскийга бир соат вақт берди
