Бу ҳафта АҚШнинг чип ишлаб чиқарувчи Nvidia компанияси бош директори Женсен Ҳуанг шахсий ҳаёти ортидан ўз лавозимидан четлатилди. Эндиликда компания директорлар кенгаши унинг ўрнига уч нафар исроиллик мутахассис номзодини кўриб чиқмоқда. Бу ҳақда The Jerusalem Post хабар берди.
Номзодлар рўйхатига Nvidia бош технология директори Майкл Каган, Apple компаниясининг аппарат таъминоти бўйича бош директори Жонни Сружи ҳамда Мелланох компанияси асосчиси ва собиқ раҳбари Эял Валдман киритилган.
Майкл Каган ва Эял Валдман 2020 йилда Nvidia томонидан қарийб 7 миллиард долларга сотиб олинган Исроилнинг Мелланох компанияси ҳаммуассисларидир. Валдман бош директорлик тажрибасига эга бўлса, Каган сўнгги йилларда Nvidia ичида технологияларни ривожлантиргани ва компаниядаги алоқалари билан устунликка эга.
Жонни Сружи эса Apple учун ўз чипларини яратиш стратегиясини ишлаб чиққани билан танилган. Бироқ у 2026 йил апрель ойида Apple’да юқори лавозимга кўтарилгани сабабли жамоани тарк этиши қийин бўлиши мумкин.
Ҳозирда компания вице-президенти Колетт Кресс вақтинчалик бош директор вазифасини бажармоқда ва у ҳам асосий фаворитлардан бири саналади.
Шунингдек, номзодлар қаторида Nvidia топ-менежери Ян Бак, Арм раҳбари Рене Ҳаас, АМД бош директори Лиза Су ҳамда Амазон Wеб Сервиcес раҳбари Метт Гарман ҳам бор.
АҚШ ва Эрон дастлабки келишувга эришиш сари илгариламоқда
"Европаликлар Абу-Дабига келишибди — майли, меҳмонхоналарида ўтираверсинлар"
Россиядан АҚШга йўл олган учта дизель ташувчи танкер ҳам йўналишини ўзгартирди
