Ўзбекистонлик UFC жангчиси Нурсултон Рўзибоев ва россиялик Ринат Фахретдинов ўртасидаги 26 октябрь куни бўлиб ўтиши режалаштирган жанг бекор қилинди. Бунга Нурсултоннинг жароҳати сабаб бўлган. Айни дамда ташкилотчилар жароҳат олган ўзбекистонлик спортчига ўринбосар қидирмоқда.
“Менежер қўнғироқ қилиб, Нурсултон жароҳат олганини, жанг қила олмаслигини айтди. Улар жангни бошқа вақтга кўчиришни таклиф қилди, лекин биз Абу-Дабида. Жамоа ва мухлислар учун чипталар аллақачон сотиб бўлинган. Биз шу санага тайёргарлик кўраётгандик, шунинг учун энди бизга рақиб излашмоқда. Биз кўп пул, асаб ва куч сарфладик, лекин ҳаммаси бундай бўлиб чиқди”, деди Фахретдинов.
Россиялик жангчи Рўзибоевга ўринбосар топишда ҳам бир қанча қийинчиликлар борлигини таъкидлади. Кўпчилик рақиблар тайёргарлик муддати оз бўлгани учун жангга рад жавобини бермоқда.
“Энг яхши спортчилар жанг қилишни хоҳламайди, нега улар таваккал қилиши керак? Албатта, мен тажрибали жангчиларни хоҳлайман. Жангга уч ҳафта қолганда рақиб топиш қийин”, дея қўшимча қилди жангчи.
Нурсултон Рўзибоeв 26 октябрь куни бўлиб ўтадиган UFC 308 жанг кечасида Ринат Фахретдиновга қарши жанг ўтказиши керак эди. Турнир БААда жойлашган Etihad Arena’да бўлиб ўтади.
Икер Касиляс барча даврларнинг энг зўр футболчиси номини айтди
Абдуқодир Ҳусанов Ямал ва Беллингем билан бир сафда (фото)
ФИФА Халқаро Олимпия қўмитасига кутилмаган таклиф билан чиқди
