Норвегия, Швеция ва Финляндия қўшин ва техникаларнинг тезкор ҳаракатланишини таъминлаш учун ўз ҳудудларининг шимолий қисмлари орқали ҳарбий транспорт йўлаги яратишга келишиб олди.
Бу ҳақда Норвегия бош вазири Йонас Гар Стёре маълум қилди.
Аввалроқ Тelegraph газетаси манбаларига таянган ҳолда “транспорт йўлаклари” ривожлантирилиши ҳақида хабар берган эди. Ушбу ҳисоботга кўра, НАТО Европада Россия билан йирик уруш содир бўлган тақдирда Америка аскарлари ва зирҳли техникаларини тезда фронтга олиб чиқиш учун бир нечта “транспорт йўлаклари”ни ташкил устида ишламоқда.
