Нидерландиянинг Шимолий Голландия провинциясидаги Рейсенхаут қишлоғидаги автотураргоҳда кеча содир бўлган катта ёнғинда камида 40-50 автомобиль ёниб кетди.
Бу ҳақда NOS телеканали маълум қилди.
Унинг сўзларига кўра, автотураргоҳдан тез-тез яқин атрофдаги “Схипхол” аэропортининг йўловчилари фойдаланган ва у ерда ўз машиналарини қолдиришган. Ёнғин ҳақидаги илк маълумотлар маҳаллий вақт билан соат 03:00да кела бошлаган. Соат 06:45 га келиб фавқулодда вазиятлар хизмати ёнғинни катта даражада назоратга олди.
Ҳозирда ҳуқуқ-тартибот идоралари ёнғин сабабларини аниқлаш устида ишламоқда. Автотураргоҳ жойлашган кўча бўйлаб транспорт ҳаракати тўсиб қўйилган.
