Нидерландияда илк бор 12 ёшдан кичик бўлган болага эвтаназия қилинди

Бу ҳақда Dutch News хабар бермоқда.

Қонунчилик ўзгарганидан кейинги илк ҳолат ҳақида мамлакат соғлиқни сақлаш вазири Софи Ҳерманс маълум қилди.

Ушбу жараён оғир касал бўлган болага унинг ота-онаси розилиги билан қўлланилган. 2024 йилдан бошлаб Нидерландияда "тузалишга умид бўлмаган ва чидаб бўлмас азоб-уқубатларни бошдан кечираётган", даволаб бўлмайдиган касалликка чалинган 1 ёшдан 12 ёшгача бўлган болалар учун эвтаназияга рухсат берилган.

Авваллари бундай имконият фақат 1 ёшгача бўлган чақалоқлар ва 12 ёшдан ошган ўсмирлар учун мавжуд эди. Ҳукумат ҳисоб-китобларига кўра, бундай ҳолатлар йилига беш мартадан кўп содир бўлмайди, дейилади хабарларда