Нетаньяху: "Исроил хавфсизлик муаммоларига дуч келмоқда"

Исроил ҳамон хавфсизлик муаммоларига дуч келмоқда, чунки унинг баъзи душманлари яна ҳужум қилиш учун ўзларини тиклашга ҳаракат қилмоқда.

Бу ҳақда Исроил бош вазири Беньямин Нетаньяху мамлакатнинг йирик телеканаллари орқали намойиш этилган халққа видеомурожаатида маълум қилди.

"Кампания тугамади. Биз ҳали ҳам катта хавфсизлик муаммоларига дуч келмоқдамиз. Баъзи душманларимиз бизга яна ҳужум қилиш учун ўзларини қайта қуришга ҳаракат қилмоқда. Лекин биз тўғри йўлдамиз", - деди Нетаньяху, Исроил қаерда жанг қилган бўлмасин, дунёни ларзага солган улкан ғалабаларга эришишини қўшимча қилди.