Нетаньяху Ғазо бўйича уч соатлик йиғилиш ўтказди

Исроил Бош вазири Беньямин Нетаньяху хавфсизлик масалалари бўйича ёпиқ йиғилиш ўтказди. Учрашув уч соатга яқин давом этди.

Бу ҳақда бош вазир девони маълум қилди.

Исроил армияси штаб бошлиғи Эял Замир Ғазо секторида кейинги ҳаракатлар вариантларини тақдим этди. Исроил мудофаа кучлари ҳарбий-сиёсий вазирлар маҳкамаси томонидан қабул қилинган ҳар қандай қарорни амалга оширишга тайёр.

Аввалроқ Ynet портали ўз манбаларига таяниб, сиёсий раҳбарият Ғазо секторини тўлиқ босиб олиш бўйича қарор қабул қилишга яқин қолгани ҳақида хабар берган эди. Суҳбатдошлардан бирининг сўзларига кўра, гаровга олинганларни озод қилиш бўйича музокаралар боши берк кўчага кириб қолган ва ҳарбий ечимдан қочиб бўлмайди. Айни пайтда ҳарбий раҳбарият, жумладан, Бош штаб бошлиғи ҳам бу қадамга қарши чиқди.