НАТОнинг асосий аъзоси 5 йил ичида Европада катта уруш бўлиши мумкинлиги ҳақида огоҳлантирди

Агар Кремль АҚШни Европадаги иттифоқчиларига ёрдам беришга тайёр эмас деб ҳисобласа, Европа уруши хавфи янада кучайиши мумкин.

Дания Мудофаа разведка хизмати (DDIS) маълум қилишича, Россия беш йил ичида Европада катта уруш бошлашга тайёр бўлиши мумкин.

Агентликнинг таъкидлашича, Кремль НАТОдаги заифлик ёки сиёсий бўлинишнинг ҳар қандай аломатидан фойдаланиб, ҳарбий тажовуз орқали ўз миллий манфаатларини янада илгари суриши мумкин.

Агар Кремль АҚШни Европадаги иттифоқчиларига ёрдам беришга тайёр эмас деб ҳисобласа, бу хавф янада кучаяди.

Янгиланган хавфсизлик баҳолашида Россия аллақачон НАТО билан урушга тайёргарлик кўраётгани ва ҳарбий салоҳиятини ошираётгани қайд этилган.

ДДИС Украинада уруш тўхтатилгандан сўнг юзага келиши мумкин бўлган учта эҳтимолий сценарийни таклиф қилди.

Унинг таҳлили Россия бир вақтнинг ўзида фақат битта давлат билан уруш олиб бориши мумкинлиги ҳақидаги тахминга асосланган.

Биринчи сценарийга кўра, Кремль олти ой ичида чегарадош давлат билан уруш бошлашга қодир бўлади.

Иккинчи сценарийда эса Москва икки йил ичида минтақавий урушга тайёрланиб олади.

Беш йилдан сўнг эса, АҚШ аралашмайдиган бўлса, Европага кенг кўламли ҳужум уюштириши мумкин.

Ҳисобот муаллифлари шундай ёзишган: "Агар Россия НАТОни ҳарбий жиҳатдан заифлашган ёки сиёсий жиҳатдан парчаланган деб ҳисобласа, НАТОнинг бир ёки бир нечта Европа давлатларига қарши минтақавий урушда ҳарбий куч ишлатишга кўпроқ моил бўлиши эҳтимол."

"Айниқса, Россия АҚШнинг НАТО аъзоси бўлган Европа давлатларини Россияга қарши урушда қўллаб-қувватлай олмаслигини ёки қўллаб-қувватламаслигини тахмин қилса, бу эҳтимол янада кучаяди."

Доналд Трамп НАТО аъзо давлатларини мудофаага кўпроқ маблағ ажратишга чақириб, ялпи ички маҳсулотнинг 5 фоизини хавфсизликка сарфлаш кераклигини айтди. Бу ҳозирги мақсаддан икки баробар кўпдир.