АҚШ президенти Дональд Трампнинг Гренландия бўйича саккизта НАТО давлатига янги тарифларни жорий этиш таҳдидлари трансатлантик муносабатларга путур етказмоқда ва кескинликнинг кучайишига олиб келиши мумкин.
Бу Буюк Британия, Германия, Дания, Нидерландия, Норвегия, Финляндия, Франция ва Швециянинг қўшма баёнотида айтилган. Матн Германия ҳукумати матбуот хизмати томонидан тарқатилди.
"Биз Дания Қироллиги ва Гренландия халқи билан тўлиқ бирдамлигимизни билдирамиз. Ўтган ҳафта бошланган жараёнга асосланиб, биз суверенитет ва ҳудудий яхлитлик тамойилларига асосланган мулоқотга тайёрмиз. Биз ушбу тамойилларни қатъий қўллаб-қувватлаймиз", деб таъкидланади баёнотда. "Тарифларни жорий этиш таҳдидлари трансатлантик муносабатларга путур етказади ва кескинлашув хавфини туғдиради. Биз бирлашган ва мувофиқлаштирилган фронт билан жавоб беришда давом этамиз. Биз суверенитетимизни сақлаб қолишга қатъий қарор қилганмиз", дейилади баёнотда.
Шунингдек, унда Арктикада хавфсизликни таъминлаш НАТО учун умумий вазифа эканлиги ва Дания томонидан мувофиқлаштирилган Арктика чидамлилик машқлари гўёки ҳеч кимга таҳдид солмаслиги айтилган.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Эрон Starlinkни блоклашга муваффақ бўлди
