NATO Россия ҳужумларига нисбатан “қатъийроқ чоралар”ни кўриб чиқмоқда

NATO Россия томонидан амалга оширилаётган киберҳужумлар, саботажлар ва ҳаво ҳудуди бузилишларига қарши “янада кескин” чоралар кўриш имкониятларини ўрганмоқда. Бу ҳақда НАТО Ҳарбий қўмитаси раиси Жузеппе Каво Драгонега таяниб Financial Times хабар берди.

Драгонега кўра, алианс ҳозирча кибер маконда асосан ҳужумларга жавоб қайтариш билан чекланмоқда, аммо Россия фаолияти фонида “янги, агрессивроқ ёндашув” зарур бўлиши мумкин.

У шу билан бирга ҳуқуқий чекловлар борлигини таъкидлади: олдиндан зарба беришни “мудофаа чораси” сифатида баҳолаш мумкин бўлса-да, бу НАТО принципларига мос келмаслиги мумкин.

Россия эса Европа ҳудудида қайд этилган дронлар, киберҳужумлар ва қўпорувчиликларга алоқадорлигини рад этмоқда.