NASA астероидга ядровий зарба берадими?

NASA олимлари 2032 йилда Ойга хавф солиши мумкин бўлган 2024 YR4 астероидидан ҳимоя чораларини муҳокама қилмоқда.

🔹 Биринчи сценарий — астероид траекториясини кичик оғиш билан ўзгартириш. Бу тўқнашувнинг олдини олиши мумкин, аммо жисмнинг аниқ массаси ҳисобга олинмаса, тескари натижага олиб келиши эҳтимоли бор.

🔹 Иккинчи сценарий — астероидни бутунлай парчалаш. Ҳисоб-китобларга кўра, тахминан 1 мегатонналик ядровий портлаш 2024 YR4’ни хавф туғдирмайдиган бўлакларга бўлиб юбориши мумкин.

Олимлар астероид ҳақидаги маълумотларни янада аниқлаш учун унинг 2028 йилдаги яқинлашишини кутиш зарурлигини таъкидлашмоқда.