Янги қатнов йўналиши қишнинг совуқ кунларида, турли об-ҳаво шароитларида сафарга чиқувчи ҳамюртларимизга жуда қўл келади.
– Наманган вилоятидан пойтахтимизга боришда темирйўл хизматларидан фойдаланишда ҳар доим эҳтиёж бор, – дейди “Ўзтемирйўлйўловчи” акциядорлик жамияти Фарғона филиали “Наманган темирйўл вокзали” бошлиғи Баҳодир Набижонов. – Демак, йўловчилар ҳафтанинг душанба, сешанба, чоршанба, жума ва шанба кунлари Наманган вокзалидан Тошкентга жўнаши мумкин. Тошкентдан Наманган шаҳрига келувчилар учун душанба, сешанба, пайшанба ва жума кунлари қатнов мавжуд. Қайд этиш жоизки, мазкур йўналишни йўлга қўйилгани ноқулай об-ҳаво шароитида йўловчилар учун жуда қулай бўлди.
