Наманган муҳандислик-қурилиш институтида 18 ноябрь —давлат байроғи қабул қилинган кунга бағишлаб “Ҳилпираб турар мағрур Ўзбекистон байроғи!” шиори остида ўзига хос флешмоб ўтказилди.
Ушбу флешмоб доирасида институт талабалари улкан давлат байроғини олий ўқув юртига қўлма-қўл қилиб олиб кирди. Байроқ аудиториялар, талабалар турар-жойларида ҳилпиради.
Талаба-ёшлар давлат байроғи ҳақидаги шеър ва қўшиқларни ижро этди. Наманган муҳандислик-қурилиш институти биноларида ҳилпираган улкан давлат байроғи барчанинг диққат-эътиборини ўзига тортди.
