Мянмадаги зилзила қурбонлари сони 2700 нафардан ошди

Бу ҳақда Хитой марказий телевидениеси (CCTV) мамлакат ҳарбий раҳбари Мин Аун Хлайнга таяниб хабар берди.

Мин Аун Хлайннинг маълумотларига кўра, зилзила оқибатида 2719 киши ҳалок бўлган, камида 4521 киши жароҳат олган, 400 киши бедарак йўқолган деб ҳисобланмоқда.

Мянма раҳбари ҳалок бўлганлар сони 3000 кишидан ошиши мумкинлигини тахмин қилмоқда.

Қўшни Таиландда эса 18 киши ўлими рўйхатга олинган. Бангкокдаги осмонўпар бино қулаши оқибатида ўнлаб кишилар харобалар остида қолган бўлиши мумкин.