Муроджон Аҳмадалиев: "Иноуэни ҳурмат қиламан, лекин..."

Ўзбекистонлик профессионал боксчи, иккинчи энг енгил вазн тоифасида WBA йўналиши бўйича вақтинчалик чемпион Муроджон Аҳмадалиев бўлажак жанги ҳақида гапирди.

"Мен барча камарларни қўлга киритиб, Ўзбекистон тарихидаги илк мутлақ жаҳон чемпиони бўлиб, тарих яратаман. Наоя Иноуэ ва унинг ютуқларига ҳурматим баланд, лекин ҳозир менинг вақтим", дея фикрларини билдириб ўтган Аҳмадалиев.

Муроджон 14 сентябрь куни Япониянинг Нагоя шаҳрида иккинчи энг енгил вазннинг япониялик мутлақ чемпиони Наоя Иноуэга қарши рингга кўтарилади.