Муҳаммад Салоҳ футболчилик фаолиятини қачон якунлаши ҳақида гапирди

"Ливерпуль" ҳужумчиси Муҳаммад Салоҳ футболчилик фаолиятини қачон якунлаши ҳақидаги саволга жавоб берди.

"Менимча, 39 ёки 40 ёшимгача ўйнай оламан. Лекин агар бундан аввал тўхташ вақти келганини ҳис қилсам, фаолиятимни якунлайман.

Мен кўп нарсаларга эришдим. "Ливерпул" билан шартномам тугаш арафасида эди. Гарчи мен Саудия Арабистони чемпионатига ўтишга жуда яқин бўлган бўлсам ҳам ўзаро келишувга эриша олдик", – деди мисрлик футболчи.

Ушбу мавсум Муҳаммад "Ливерпул" сафида барча мусобақаларда 52 та ўйинда майдонга тушиб, 34 та гол урди ва 23 та ассист амалга оширди.