“Ливерпуль”нинг мисрлик футболчиси Муҳаммад Салоҳ инглиз клубини тарк этишга қарор қилган. Бу ҳақда Саудия Арабистони Спорт Оммавий Ахборот Агентлиги аъзоси Абдулҳади хабар қилмоқда.
Манбага кўра, Салоҳ Саудия Арабистони чемпионати клубига эркин агент сифатида ўтиш бўйича келишувга эришган. Абдулҳади, испан манбаларига таяниб, қуйидагича ёзган: “Муҳаммад Салоҳ келгуси мавсумда араб давлатида ўйнаш учун Саудия Арабистони вакиллари билан келишув тузди, аммо ҳали у қайси клубда ўйнашини билмайди”.
Салоҳнинг ўз клубини билмаслиги табиий, чунки Саудия Арабистони давлат инвестиция фонди (ПИФ) лига доирасида тўрт клубга эгалик қилади: “Ал-Ҳилол”, “Ал-Иттиҳод”, “Ан-Насср” ва “Ал-Аҳли”. Томонлар ўртасида келишувга эришилган, аммо ташкилот унинг қайси клубда ўйнаши ҳақида охирги қарорни қабул қилмаган.
Жорий мавсумда 32 ёшли Салоҳ АПЛ доирасидаги 19 учрашувда 18 гол ва 13 ассист қайд этган. Футболчининг “Ливерпуль” билан амалдаги шартномаси 2025 йилнинг ёзигача мўлжалланган. Transfermarkt порталига кўра, 32 ёшли футболчининг бозор қиймати 55 миллион еврони ташкил қилади.
“Ливерпуль” клуби 19 турдан сўнг 46 очко тўплаб, турнир жадвалида етакчилик қилмоқда.
Ҳусанов АПЛда қайси жамоага қарши ўйинда дебютини ўтказиши мумкинлиги маълум
Лионел Месси "Интер Маями" билан янги шартномага қарамай, 2025-йилда Европа футболига шов-шувли қайтиши мумкинлиги ҳақида тушунтириш
Криштиану Роналдунинг маоши: "Ал-Насср" юлдузи Саудия Про-лигасида ҳафтасига, ойига ва йилига қанча пул ишлайди?
