Моуринио 42,5 минг еврога жаримага тортилиб, 4 ўйинга дисквалификация қилинди

«Фенербахче» клуби бош мураббийи Жозе Моуринио «Галатасарой»га қарши ўйиндан (0:0) кейин жаримага тортилиб, дисквалификация қилинди.

Туркия футбол федерацияси «Фенербахче» устозини «носпортча хатти-ҳаракатлари» учун жазолади.

Португалиялик мураббий 42,5 минг еврога жаримага тортилди. Шунингдек, Моуринио жами 4та ўйинга дисквалификация қилинди. Иккита ўйин – расизм учун, яна икки ўйин – словениялик ҳакам Славко Винчич шаънига ҳақоратли сўзлар ишлатилгани учун экани қайд этилган.

Эслатиб ўтамиз, Моуринио «Галатасарой»га қарши ўйиндан кейин жамоа мураббийлари ва захира ўриндиғи «маймундек сакрагани» ҳақида гапирганди.