АҚШ раҳбари Дональд Трамп Эрон президенти Масъуд Пезешкиан ҳақида гапириб, уни «аввалгиларига қараганда анча кам радикал ва анча ақллироқ» деб атади ва у Вашингтонга ўт очишни тўхтатиш илтимоси билан мурожаат қилганини маълум қилди.
Трампнинг таъкидлашича, Вашингтон бу масалани фақат «Ҳурмуз бўғози очиқ, эркин ва хавфсиз бўлган тақдирдагина» кўриб чиқади. Акс ҳолда, унинг сўзларига кўра, АҚШ «Эронни йўқ қилади ёки ибора билан айтганда, уни тош даврига қайтариб юборади».
Кеча Пезешкиан Эрон ҳукумати, агар республика бошқа ҳужумларга дучор бўлмаса, АҚШ ва Исроил билан низони якунлашга тайёрлигини билдирган эди.
«Бизда зарур шартларга риоя қилган ҳолда, айниқса, тажовуз такрорланмаслиги кафолатланса, ушбу урушни тугатиш иродаси мавжуд», — деди Пезешкиан Европа Кенгаши раиси Антониу Кошта билан телефон орқали мулоқотда.
Эрон президентининг сўзларига кўра, Яқин Шарқдаги можаро АҚШ ва Исроилнинг «душманона ва тажовузкор ҳаракатлари натижаси» ҳисобланади. Шунингдек, у Европа Иттифоқини холисликни йўқотганликда танқид қилди, чунки АҚШ ва Исроилнинг ҳужумлари «Европа ҳимоя қиламан деб даъво қиладиган қонун устуворлиги тамойилларини қўпол равишда бузиш» бўлган.
Трамп Саудия шаҳзодаси ҳақида кескин баёнот қилди
Туркия АҚШни огоҳлантирди!
Россия Украина борасида Жанубий Кореяни жиддий огоҳлантирди
