Эрон президентидан муҳим қадам: Пезешкианнинг АҚШ халқига мактуби эълон қилиниши кутилмоқда

Эрон президенти Масъуд Пезешкиан яқин вақт ичида Америка Қўшма Штатлари халқига мурожаат билан чиқишни режалаштирмоқда. Бу ҳақда Al Hadath телеканали хабар берди.

Телеканал маълумотларига кўра, «президент Пезешкиан яқин бир неча соат ичида Америка халқига мурожаат йўллайди». Эронлик мулозим Меҳди Табатабаий ҳам «X» (собиқ Twitter) тармоғидаги саҳифасида Эрон президентининг Америка жамоатчилигига йўлланган муҳим мактуби яқин соатларда эълон қилинишини тасдиқлаган.

Ушбу мурожаат АҚШ президенти Дональд Трампнинг Эрон томони ўт очишни тўхтатиш ва сулҳ сўрагани ҳақидаги баёнотлари фонида кутилмоқда. Эрон томони эса ҳозирча Трампнинг бу даъволарини «асоссиз ва ёлғон» деб атаган.