Россия Федерациясининг Москва вилоятидаги Сергеев Посад шаҳридаги Загорск оптик-механика заводи ҳудудида юз берган портлашда жабрланганлар сони 35 нафарга етди.
Маҳаллий ОАВ маълумотларига кўра, жабрланганлардан 4 нафарининг аҳволи оғир деб баҳоланмоқда.
"Портлаш Загорск оптик-механика заводи ҳудудида қозонхона ҳудудида содир бўлди. Портлаш тўлқинидан шаҳарнинг турли ҳудудларидаги бир нечта уйларнинг ойналари синиб кетди", - деди манба.
Москва вилояти губернатори Андрей Воробёв фавқулодда ҳодиса жойига жўнаб кетганини маълум қилди.
