Москва ва Киев ўртасида музокаралар ясини қайта қўзғатувчи таклиф: Лавров ва Фидан Истанбулдаги эҳтимолий учрашувни муҳокама қилди

Лавров Туркия ТИВ раҳбари билан Путиннинг Украинага тўғридан-тўғри музокаралар бошлаш таклифини муҳокама қилди.

Россия ташқи ишлар вазири Сергей Лавров Туркия ташқи ишлар вазири Хоқон Фидан билан телефон орқали мулоқотда президент Путиннинг Киевга 15 май куни Истанбулда Украина масаласини ҳал қилиш бўйича тўғридан-тўғри музокаралар ўтказиш таклифини муҳокама қилди, деб ёзади "Интерфакс" суҳбат тафсилотларини келтирмасдан.

Туркия президенти Ражаб Тоййиб Эрдўған 11 май куни Путин билан телефон орқали мулоқотидан сўнг Туркия "ўт очишни тўхтатиш ва узоқ муддатли тинчликни таъминлаш учун барча имкониятларни, жумладан, музокаралар олиб боришга тайёр"лигини айтди.

Душанба куни кечқурун Эрдўған президент Зеленский билан телефон орқали мулоқот қилди, шундан сўнг Украина раҳбари Эрдўған билан "бир хил" тарзда ўт очишни тўхтатиш зарурлигини кўраётганини айтди.

Туркия президенти Зеленский билан суҳбатдан сўнг "имкониятлар ойнаси"дан фойдаланишга чақирди. "Умид қиламизки, бу имкониятлар қўлдан бой берилмайди," - дея Эрдўғаннинг сўзларини келтиради AFP.

Зеленский 15 май куни Истанбулда Путин билан шахсан учрашишга тайёрлигини айтганидан сўнг, Россия расмийлари ўз ниятларини тасдиқламади.