Россия Украинада рус ҳарбий асирларига нисбатан қийноқлар қўлланилгани ҳақидаги маълумотларни БМТ Хавфсизлик Кенгашига тақдим этишни режалаштирмоқда. Бу ҳақда Россия Ташқи ишлар вазирлигининг Украина бўйича махсус вакили Родион Мирошник маълум қилди.
«Тасним» агентлиги хабар беришича, Москва асирлар алмашинуви орқали Россияга қайтарилган ҳарбийларнинг кўрсатмалари асосида Украина ҳудудидаги махфий қамоқхоналар ҳақидаги маълумотларни халқаро ҳамжамиятга етказмоқчи.
Мирошникнинг таъкидлашича, қайтарилган ҳарбийлар ушбу муассасаларда содир бўлган воқеалар ҳақида батафсил маълумот берган. Тўпланган материалларда шафқатсиз муомала ва қийноқлар билан боғлиқ ҳолатлар қайд этилгани айтилмоқда.
Унинг сўзларига кўра, бу маълумотлар 14 октябрь куни БМТ Хавфсизлик Кенгашининг «Арриа формуласи» бўйича ўтказиладиган норасмий учрашувида тақдим этилади. Муҳокаманинг асосий мавзуси Украинадаги инқироз шароитида халқаро гуманитар ҳуқуқ ва инсон ҳуқуқлари бузилиши бўлади.
Аввалроқ, сентябрь ойи охирида Россия Ташқи ишлар вазирлиги вакили Украинадаги махфий қамоқхоналарда рус ҳарбий асирлари электр токи билан қийноққа солингани, калтаклангани ва уларга асаб тизимига таъсир қилувчи дорилар юборилгани ҳақида даъво қилган эди. Шунингдек, асирларга итлар ҳужум қилдирилгани айтилган.
Россия томонининг таъкидлашича, мазкур қамоқхоналарнинг жойлашуви ва у ерда ишловчи шахсларнинг кимлиги яширилади. Бироқ келтирилган даъволарнинг барчаси мустақил манбалар томонидан тасдиқлангани ҳақида хабарда маълумот берилмаган.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
