Россия вице-премьери Алексей Оверчук келаси ҳафтада Арманистон пойтахти Ереванга хизмат сафари билан боради. У ерда у Арманистон бош вазири Никол Пашинян билан учрашиши кутилмоқда. Сафарнинг мақсади — Евроосиё иқтисодий иттифоқи ҳуқуқларининг Арманистон томонидан бузилиши ва Жанубий Кавказ минтақасида коммуникацияларни очиш масалаларини муҳокама қилишдир.
Оверчук журналистларга шундай деди:
«Келаси ҳафтада мен Ереванга учаман. Бу сафар олдиндан режалаштирилган эди, Алтайдаги учрашувда келишиб олинган. Сафар сабаби — Арманистон қонунчилик тизимида Евроосиё иқтисодий иттифоқи ҳуқуқига зид бўлган ҳужжат — ҳукумат қарорининг қабул қилингани.»
Унинг таъкидлашича, Ереванда Пашинян билан Жанубий Кавказдаги коммуникацияларни қайта очиш бўйича нозик масалалар муҳокама қилинади.
«Келаси ҳафта охирида менинг азербайжонлик ҳамкасблар билан ҳам учрашувим бўлади. У ерда ҳам шу масалалар кўриб чиқилади. Демак, ҳаракат бор», — деди Оверчук.
Бу учрашув Россия ҳудудида ўтказилиши режалаштирилган.
Оверчук, шунингдек, Никол Пашинян яқин вақтда яна Россияга ташриф буюриши кутилayotganини маълум қилди:
«Никол Воваевич икки ҳафта олдин Россияда бўлган эди, яқин вақтда уни яна меҳмон қилиб кутиб оламиз.»
Россиянинг Кавказдаги дипломатик фаоллиги АҚШ президенти Дональд Трамп воситачилигида 8 август куни Вашингтонда Арманистон ва Озарбайжон ўртасида тинчлик муносабатлари тўғрисида декларация имзоланганидан сўнг фаоллашди.
Икки мамлакат ташқи ишлар вазирлари тинчлик шартномасини парафирлашди ва мувофиқлаштирилган матнни тасдиқлашди. Декларацияда минтақада коммуникацияларни очиш ва Арманистон орқали Озарбайжоннинг Нахчивон эксклави билан боғланишини таъминлайдиган транспорт коридорини яратиш муҳимлиги қайд этилган.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
