Москвада Михаил Шатский исмли конструктор ўлдирилган бўлиши мумкин. У Россиянинг Украинага қарши қўллаётган ракета ва дронларини модернизация қилиш билан шуғулланган.
Бу ҳақда журналист Александр Невзоров хабар берди, у ўз саҳифаларида ўлдирилган шахснинг суратларини чоп этган.
Кейинчалик бу маълумотни Украинадаги "Громадське" нашрининг хавфсизлик органларидаги манбаси тасдиқлади. Манбага кўра, Россиянинг ҳарбий-саноат мажмуасини ривожлантиришда иштирок этган ҳар қандай шахс Украина кучлари учун қонуний нишон ҳисобланади.
Россия томони Шатскийнинг ўлдирилиши бўйича маълумот бергани йўқ.
"Важные истории" нашри, ўлдирилган конструктор акс этган видеонинг геолокациясини текшириб, воқеа Москва вилоятининг Котелники туманида содир бўлганини аниқлади.
Маълумот учун, Шатский "Марс" конструкторлик бюросининг бош конструктор ўринбосари бўлган. Унинг вазифалари X-59/X-69 ракеталарини модернизация қилиш ва янги дронларни ишлаб чиқишдан иборат эди. "Марс" бюроси ҳаво кемалари учун автоматик бошқарув ва навигация тизимларини ишлаб чиқиш билан шуғулланади.
Украина душман учун «Жаҳаннам» тайёрлади
Туркия, Эрон, Россия, Қатар, Миср, Иордания ва бошқа давлатлар Сурия бўйича қўшма баёнот берди
Исроил танклари Сурия ҳудудига бостириб кирди
