Бугун 27 февраль, 2021 йил, шанба

O'ZB

Мисрда шаҳар кўчаларига турмуш ўртоғи ва унинг қариндошлари шарафига ном берган амалдор аёл ишдан олинди

Мисрда шаҳар кўчаларига турмуш ўртоғи ва унинг қариндошлари шарафига ном берган амалдор аёл ишдан олинди

Мисрнинг шимолида жойлашган Кальюбия провинциясининг губернатори Кафр-Шукр шаҳри ободончилик департаменти директорини бир нечта кўчага турмуш ўртоғи ва қариндошларининг номини берганидан кейин вазифасидан озод қилди. Бу ҳақда el-Watan газетасига таяниб «РИА Новости» хабар берди.

«Шаҳарнинг янги бош режасидаги бир нечта кўча аёлнинг турмуш ўртоғи ва унинг қариндошлари номи билан аталгани ҳақида халқдан шикоятлар келиб тушгани учун Кафр-Шукр шаҳри ободончилик департаменти директорини ишдан олишга қарор қилинди. Иш тергов учун маъмурий прокуратурага оширилди. Агар фактлар тасдиқланса, қонуний чора кўрилади», — деди губернатор Абдулҳамид Хаджан.

Унинг сўзларига кўра, мансабдор аёлнинг ҳаракатлари қонунни қўпол равишда бузиш ҳисобланади, чунки кўчаларга ном бериш ҳақидаги қарор маҳаллий халқ кенгаши ёки махсус қўмита томонидан қабул қилинади. Охирги вақтларда Миср кўчалари жамоат арбоблари ёки терроризмга қарши курашда ҳалок бўлган ҳарбийлар ва полиция ходимлари шарафига номланмоқда.

Кўчаларни турмуш ўртоғи, унинг укалари ва қайнотаси шарафига номлаган амалдор аёлнинг ўзи айбловларни рад этиб, шаҳар фуқароларидан бири ундан қасос олаётганини ва шу тариқа таниқли бўлишга интилаётганини айтди. Гап «кўчалар номлари билан боғлиқ инқироз»дан кейин Кафр-Шукр шаҳрини «Сами Гамал шаҳри» деб ўзгартиришни таклиф қилган Сами Гамал ҳақида кетмоқда. Гамалнинг сўзларига кўра, у шу тарзда норозилик билдирган.

Киритилди: 09:25 23.02.2021. Ўқилди: 749 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!