Миср, Исроил, Қатар, Фаластин ва АҚШ Ғазо келишувини кузатади

Миср, Исроил, Қатар, Фаластин миллий маъмурияти (ПНА) ва АҚШ вакиллари Ғазо секторида ўт очишни тўхтатиш келишувининг бажарилишини назорат қилади.

Бу ҳақда "Ал-Қоҳира ал-Ихбария" телеканали маълум қилди.

Унинг манбаларига кўра, юқорида тилга олинган давлатлар вакиллари Ғазо бўйича "иштирокчилар ўртасида самарали мувофиқлаштиришни таъминлаш ва келишув шартлари бажарилишини назорат қилиш" учун тузилган Битимнинг бажарилишини мониторинг қилиш маркази таркибига киради.

Эслатиб ўтамиз, бир кун аввал Исроил ва Фаластиннинг ХАМАС радикал ҳаракати Ғазо секторида ўт очишни тўхтатиш бўйича келишув имзолаган эди.