Миср ФИФАга муҳим таклиф билан чиқди

Миср ФИФАга 2034 йилги Жаҳон чемпионати ўйинларининг бир қисмини ўтказиш истагини билдирди.

Миср футбол федерацияси президенти Ҳани Абу Рида Африка футбол конфедерацияси Бош ассамблеясида сўзга чиқиб, ФИФА президенти Жанни Инфантинога 2034 йилги Жаҳон чемпионати гуруҳларидан бирининг ўйинларини Мисрда ўтказиш илтимоси билан мурожаат қилганини маълум қилди.

Мамлакатда Жаҳон чемпионати ўйинларини ўтказишни Миср терма жамоасининг турнирдаги дебютининг 100 йиллигига бағишлаш таклиф этилмоқда - 1934 йилда мисрликлар Жаҳон чемпионатида ўйнаган биринчи Африка терма жамоаси бўлган эди.

- Умид қиламанки, 2034 йилда юз йиллик муносабати билан биз, мисрликлар ва африкаликлар сифатида 2034 йилги Жаҳон чемпионати гуруҳ баҳслари ўйинларининг бирини қабул қилиш ва ташкил этиш шарафига муяссар бўламиз.

Саудия Арабистони тарихий Жаҳон чемпионатини ўтказишга тўлиқ қодир," - деди Ҳани Абу Рида.

Эслатиб ўтамиз, 2034 йилги Жаҳон чемпионати Саудия Арабистонида бўлиб ўтади.