Миннеаполисда иммиграция агентлари Алекс Преттини отиб ўлдирганидан сўнг норозилик намойиши бўлиб ўтди

BBC'нинг хабар беришича, юзлаб одамлар шаҳар марказида тўпланиб, АҚШ Иммиграция ва божхона полицияси ходимларига қарата "ICE, йўқолинг" деган шиорлар билан норозилик акциясини ўтказган.

Нашрнинг қайд этишича, бу намойиш аввалгиларига қараганда анча тинчроқ ўтган.

Намойишчиларнинг айтишича, норозилик чиқишлари ICE Миннеаполисни тарк этмагунича тўхтамайди.

АҚШ президенти Доналд Трамп Wall Street Journal'га берган интервьюсида "қачондир" ICE агентлари Миннеаполисдан олиб чиқилишини айтган, бироқ аниқ санаси ҳақида маълумот бермаган.

Алекс Претти шанба куни ICE ходимлари билан тўқнашувда яраланиб вафот этганди. Бу воқеа Миннеаполисда иммиграция агенти бир аёлни отиб ўлдирганидан уч ҳафта ўтмай содир бўлди.