Гвардиола «Сити» футболчисининг жамоадан кетаётганини эълон қилди

"Манчестер Сити" бош мураббийи Хосеп Гвардиола жамоа вингери Оскар Бобб тез орада жамоани тарк этиши ҳақида баёнот берди.

Норвегиялик футболчи клубни тарк этиб, "Фулхэм"га ўтиш истагини билдирган.

"Ўйлашимча, Оскар Бобб шу ойда кетмоқчи", - дея испаниялик мутахассиснинг сўзларини келтиради инсайдер Фабрицио Романо.

ОАВ маълумотига кўра, 22 ёшли норвегиялик Лондон клуби билан шартнома имзолашга яқин турибди. Футболчи АҚШда бўлиб ўтадиган жаҳон чемпионати олдидан кўпроқ ўйин амалиётига эга бўлишни истамоқда.

2025/2026 йилги мавсумда Бобб клубнинг барча турнирларида 15 та ўйинда майдонга тушиб, битта голли узатмани амалга оширди. Унинг бозор қиймати 25 млн еврони ташкил этади.