АҚШнинг Миграция ва божхона назорати хизмати (ICE) бюрократик хатолик туфайли 2022 йилда содир этилган ва мамлакат тарихидаги энг йириклардан бири ҳисобланган — тахминан 100 миллион долларлик қимматбаҳо буюмлар ўғирланиши ишида гумон қилинган шахсни депортация қилди.
Гап Мексика фуқароси Хесон Нелон Пресилья Флорес ҳақида бормоқда. У инкассаторлик юк машинасини талон-торож қилишда иштирок этганликда гумон қилинган. Ўша пайтда заргарлик буюмлари, олтин ва элита соатлар ўғирланган эди.
Флорес 2025 йил ёзида қўлга олинган, аммо иш судга етказилмаган. Декабрь ойида ICE унинг “ихтиёрий чиқиб кетиши”ни маъқуллаб, прокурорларни хабардор қилмасдан АҚШдан чиқариб юборган. Натижада у Эквадор ҳудудига чиқиб кетган.
2026 йил январь ҳолатига кўра, ўғирланган қимматбаҳо буюмларнинг аксар қисми ҳануз топилмаган. Терговга кўра, буюмларнинг қайта сотилиши ёки металлларнинг эритиб юборилиши қайтариш жараёнини қийинлаштирмоқда.
Ҳимоя томони ишни ёпишни талаб қилмоқда, прокуратура эса Флорес АҚШга қайтарилса, жиноий таъқиб қайта тикланиши мумкинлигини билдирган.
Россия Ўзбекистон фуқароларини мамлакатдан мажбуран чиқариб юборди (видео)
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Саратоннинг давоси топилди!
