Миллатлар лигаси. Германия тарихда илк бор Грецияга мағлуб бўлди

Германия терма жамоаси Миллатлар лигаси гуруҳ босқичи 2-турида Грецияга 0:1 ҳисобида мағлуб бўлди. Учрашув Аугсбургдаги «ВВК Арена»да бўлиб ўтди.

Баҳсдаги ягона гол 74-дақиқада Димитриос Курбелис томонидан киритилди.

Греция 6 очко жамғариб, А лигасининг 2-гуруҳида пешқадамлик қилмоқда. 1 очкога эга Германия учинчи ўринда бормоқда. Нидерландия 4 очко билан иккинчи поғонада, Сербия эса ҳозирча очко жамғара олмаган ҳолда гуруҳни якунлаб турибди.

3-турда Германия 1 октябрь куни ўз майдонида Сербияни қабул қилади. Греция эса худди шу куни Нидерландияга қарши уй учрашувини ўтказади.

Юрген Клопп бошчилигидаги Германия терма жамоаси УЕФА Миллатлар лигаси 2-турида Грецияга 0:1 ҳисобида мағлуб бўлди.

Шу тариқа Германия ўз тарихида илк бор Греция терма жамоасига имкониятни бой берди.

Бу учрашувга қадар жамоалар ўзаро 10 марта тўқнаш келган эди. Уларнинг 7 тасида Германия ғалаба қозонган, яна 3 та баҳс дуранг билан якунланган.