Аргентина президенти ҳузуридаги маслаҳат кенгаши раҳбари Демиан Рейдель халқаро сармоявий форумда сўзга чиқиб, мамлакатнинг асосий муаммосини унинг аҳолиси деб атади.
У Аргентинада янги технологиялар, жумладан, сунъий интеллектни ривожлантириш истиқболларига бағишланган тадбирда сўзлаган.
"Бизда катта ҳудуд бор, энергия манбаларимиз бор, сувимиз бор. Ва буларнинг барчаси совуқ иқлим шароитида, яъни сунъий интеллект тизимларини совутиш учун мўл-кўл. Бу эса қуролли тўқнашувлар, цунамилар, зилзилалар бўлмаган ҳудудда. Албатта, бу ҳудуд билан боғлиқ муаммо шундаки, у ерда аргентиналиклар яшайди", - деди Рейдель.
Унинг қайд этишича, Аргентинага макроиқтисодий беқарорлик ва етарли ҳуқуқий кафолатлар йўқлиги сабабли хорижий инвесторлар ишончсизлик билан қарашади.
"Бизнинг тарихимизда шартномаларни бажармаслик мисоллари бор", - дея қўшимча қилди у. Унинг сўзларига кўра, ҳукумат “макроиқтисодиётни барқарорлаштириш ва Аргентина бу сафар бизнес юритиш кайфиятида эканлигини кўрсатадиган қонунчилик базасини тақдим этиш орқали “муаммони ҳал қилди”.
Россия ҳарбийлари Украина Қуролли кучларининг қурол заводи ва аэродромига зарба берди
Макгрегор етти йилни панжара ортида ўтказиши мумкин
Эрон ТИВ вазири: "Эрон урушга тайёр!"
