Месси пенальтиларсиз урилган голлар сони бўйича Роналдудан ўзиб кетди

Лионель Месси пенальтиларни ҳисобга олмаганда голлар сони бўйича Криштиану Роналдуни ортда қолдирди.

"Интер Майами"нинг 38 ёшли ҳужумчиси МЛСнинг "Нью-Йорк Ред Буллс"га қарши сафардаги ўйинда (5:1) 2 та гол урди.

Аргентиналик футболчи ҳар икки голни ҳам ўйиндан киритди. Ушбу дубль туфайли у пенальтиларни ҳисобга олмаганда голлар сони бўйича "Ан-Наср" ва Португалия миллий терма жамоаси ҳужумчиси Криштиану Роналдуни ортда қолдириб, яна бу борада рекордчи бўлди.

Леонинг бундай голлари сони 764 тага етди, Криштиануники эса 763 та. Месси жами 1114 та ўйинда 874 та гол урган (шундан 110 таси пенальтидан), Роналду эса 1281 та ўйинда 938 та (175 таси пенальтидан) гол киритган.