Месси фаолиятини якунлагандан кейин нима иш билан шуғулланишини айтди

«Интер Майами» клуби ва Аргентина миллий терма жамоаси ҳужумчиси Лионель Месси футболчилик фаолиятини якунлагандан кейин ўзини қайси ролда кўришини айтди.

«Ростини айтсам, ўзимни мураббий сифатида тасаввур қилмайман. Менга бошқарувчи бўлиш ғояси ёқади, аммо танлашга тўғри келса, клуб эгаси ролини афзал кўрар эдим. Ўз клубимга эга бўлиб, уни энг қуйи босқичлардан бошлаб ривожлантириш, ёш футболчилар ва бошқа одамларга ўсиш ҳамда муҳим натижаларга эришиш имкониятини бериш — мени энг кўп жалб қилади», — дея Мессининг сўзларини Ole нашри LUZU TV’га таяниб келтиради.