Deutsche Welle нашрининг ёзишича, Фридрих Мерц 2024 йилда мухолифат етакчиси бўлган пайтида Киевга Германиянинг TAURUS ракеталарини етказиб беришга чақирган эди. Бироқ у бир йиллик канцлерлик даврида бу ғояни амалга оширмади. Шу йилнинг март ойида Вазирлар маҳкамаси раҳбари Украинага бу ракеталар энди керак эмаслигини маълум қилди.
Мерц Россиянинг Киев ва унинг атрофига уюштирган сўнгги оммавий зарбаларига, жумладан, "Орешник" ракетаси қўлланилганини қоралади.
Аммо бир қатор германиялик сиёсатчиларнинг фикрича, бунинг ўзи кифоя эмас:
– "Жаноб канцлер, бу Россиянинг жиноятларига жавоб бериш учун етарли эмас. TAURUS ракеталарини етказиб беришга рухсат бериш энг муносиб жавоб бўлар эди", — деб ёзди "Яшиллар" партияси сиёсатчиси, ҳозирда "Либерал замонавийлик маркази" таҳлил марказини бошқараётган Ралф Фюкс.
– "TAURUS ракеталарини етказиб бериш вақти аллақачон келган. Узоқ масофали юқори аниқликдаги зарба бериш воситаси сифатида TAURUS ҳарбий нуқтаи назардан мутлақо асосли қарор бўлиб қолмоқда", — дейди Бундестаг депутати ва "Христиан-демократик иттифоқ" партиясининг ташқи сиёсат бўйича эксперти, яъни Мерцнинг партиядоши Родерих Кизеветтер Süddeutsche Zeitung газетасига берган интервьюсида.
Аввалги ҳукумат коалицияси таркибига кирган, бироқ сўнгги сайловлар якунларига кўра Бундестагга ўта олмаган либерал "Эркин демократик" партияси ҳам Киевга қанотли ракеталарни етказиб бериш ёқлаб чиқди.
"Агар биз сайловдан олдин Фридрих Мерцни тўғри тушунган бўлсак, унда Украинага TAURUS ракеталарини етказиб бериш вақти келди — агар бундан олдинроқ бўлмаган бўлса, айнан ҳозир айни вақти", — дейилади партиянинг 25 майдаги баёнотида.
Эрон 57 та мусулмон давлатидан иборат “Ислом NATOси” ни тузишга чақирди
АҚШда қуш уяси сабабли харидор ўзи сотиб олган автомобилга эгалик қила олмаяпти (фото)
Суперкомпьютер футбол бўйича ЖЧда ким ғолиб бўлишини айтди
