Мерц Германиядаги дрон ҳодисасига муносабати тайёрланаётганини эълон қилди

Германия ҳукумати Лейпциг/Галле аэропортида аниқланган дрон ҳодисаси бўйича терговни якунламоқда ва яқин кунларда ўз жавобини эълон қилади.

Германия канцлери Фридрих Мерц бу ҳақда ARD телеканалига берган интервьюсида маълум қилди.

"Биз аллақачон терговимизни якунламоқдамиз. Германия ҳукумати ичида қандай жавоб беришимиз борасида кенг келишув мавжуд. Биз буни яқин кунларда аниқ айтамиз", деди Мерц воқеа ва Россиянинг тахминий иштироки ҳақидаги саволга жавобан.

Канцлер Германиянинг жавоби Европа Иттифоқи ва НАТО билан мувофиқлаштирилишини таъкидлади.

"Бу Германиянинг жавоби бўлади, аммо бу бизнинг Европа Иттифоқи ва НАТО ҳамкорларимиз учун кутилмаган ҳолат бўлмайди", деди Мерц ва ушбу ҳамкорлар билан якуний мувофиқлаштириш яқин кунларда амалга оширилишини қўшимча қилди.