Мерц: "Бугун Россияга қарши санкциялар ишга тушади, лекин АҚШ фаолроқ бўлиши керак"

Германия канцлери Фридрих Мерц ЕИнинг Россияга қарши санкцияларининг 18-пакети 26 июндан бошлаб ишга туширилишига ишонтирди.

У бу ҳақда НАТО саммитида айтиб ўтган.

"Москвага нисбатан иқтисодий босим даражасини оширишимиз керак. Европа Иттифоқи буни қилмоқда ва бугун, ниҳоят, 18-санцсия пакети ишга тушади. Аммо бу пакетнинг ўзи етарли бўлмайди, бизга санкцияларда АҚШ фаолроқ иштирок этиши керак", - деди Мерц.

У АҚШ Сенати яқин кунларда Россияга қарши санкциялар тўғрисидаги қонун лойиҳасига овоз беришига умид билдирди. Мерцнинг айтишича, у саммит доирасида АҚШ президенти Дональд Трамп билан учрашган ва ундан Россияга қарши янги чекловларни шахсан тасдиқлашни сўраган.

Канцлер Россияга иқтисодий босимни Украинадаги урушни тугатишнинг ягона йўли деб билишини айтди.