Германия канцлери Фридрих Мерц АҚШ томонидан Россия нефтига нисбатан санкцияларни вақтинча юмшатиш қарорини кескин танқид қилди. Унинг фикрича, бу қарор глобал миқёсда Россия манфаатларига хизмат қилади.
💬 «Эрон ва Украинадаги урушлар ўзаро боғлиқ. Россия, албатта, Эрон атрофидаги воқеаларни диққат билан кузатмоқда. Россия ҳар қандай имкониятдан фойдаланиб, НАТОни синаб кўради ва Украинани заифлаштиришга ҳаракат қилади. Шунинг учун Вашингтоннинг Россия нефтини сотиш бўйича чекловларни юмшатганини нотўғри деб ҳисоблаймиз», — деди Мерц.
Канцлер шунингдек, жаҳон бозорида ҳозир нархлар беқарорлиги кузатилаётганини, аммо бу ҳолат реал нефть танқислиги билан боғлиқ эмаслигини таъкидлади. Унингча, бу каби имтиёзлар учун асос йўқ.
Баёнотлар 2026 йил 16 март куни Берлинда, Нидерландия бош вазири Роб Эттен билан ўтказилган қўшма матбуот анжуманида янгради.
АҚШ томонидан санкцияларни юмшатиш — яъни Россия нефтини ташувчи танкерлар билан боғлиқ операцияларга 30 кунлик лицензия бериш — Яқин Шарқдаги кескинлик, Ҳурмуз бўғозидаги блокада ва нефть нархларининг ўсиши фонида амалга оширилган.
АҚШ Молия вазирлиги буни «техник чора» деб атаб, мазкур нефть учун солиқлар аллақачон Россия бюджетига тўланганини билдирган. Бироқ Европа давлатлари фикрича, барибир юқори нархлар шароитида Россия катта иқтисодий фойда олади.
Эрон мусулмон давлатларига чақириқ билан чиқди
Эрон Исроилга ўта оғир баллистик ракеталар билан кучли ҳужум уюштирди
Трамп дунё давлатларидан ёрдам сўради
